XX. mendeko Euskararen Corpus estatistikoa

Testuingurua

Iparrag.- Dana!. A! Lutxi ere iturritik ba dator.

Guad.- Aizia artzera nua kanpora....

Iparrag.- Bista ederrak dituzu or; Irimo mendi-ta...
Guad.- Itxasua ere bai?....

Iparrag.- Itxasoa bai, baña mariñelik ez... (Guadalupe bijoa ta Iparragirrek lagundu bezaio ateraño).

ZAZPIGARREN AGERRALDIA. Iparragirre ta Lutxi

Lutxi - (sulla buru gañean dula sarturik) Jainkoak dizula atsaldeon!.

Iparrag.- Bai ta zuri ere aspaldiko Lutxi.

- Iturritik e?... Guadalupe zai egon zazu.

- Asti asko pasa dezu buelta egiten.

Lutxi - Geio pasatu dezu zeorrek zere bueltia egiten (sulla maigañean usten du) Alajaña!.

Iparrag. - Zer goratzen al zera azkeneko ikusi giñanen?.

Lutxi - (seta txarrez) Zibillak preso eraman zinduten artan?....

Iparrag.- (Luzaroan Lutxi'ri begiratu ondoren) Orain, eztiet ez zibillai ta ez emakumezkoai beldurrik sartzen. Zarra nago.

Lutxi - Zure edadea ondo dakit.

- Umetandik ezautu ziñuan ta orduko galai ziñan ta zertzen... azia.

Iparrag.- Naigo nuke orain zu bezela banengo.

Lutxi - Ni bezela zer?... Iparrag.- Alegia... zera... bate kezkik bage.

- Txapartegi'n pakean, beti leku-batean.

Lutxi - Bai, emakumezkok beti leku batean gare.

- Esperantzetan egon giñan, bañan ez gaitu iñork emendik atera....

Iparrag.- Esaera al da: ondo dagona ez bedi muitu.

- Zu betiko Lutxi oraindik andre polita....

Lutxi - (Latz) Ta zu betiko Joxemari, itz leun eta palsoa....

(Gibela ematen dio).

Iparrag.- (Pakea egin naiean) Zukin gaztetan pikaro zamarra izan banintzan barkatu nazazu....

- Orduko utsegiteak ondo ordaindu ditut.

- Txarkeri aundia egin nizun bañan bai nere buruari ere.

- Geroztik naigabeak geio zuritu didate bizarra urteak baño... (Ixillunea)....

- Ezkondu nintzan eta iru alaba ditut.